دليل الجنسانية – الجزء الخامس

الإغتصاب:

هو شكل من أشكال الاعتداءات الجنسية واللي من الممكن أن يتضمن إيلاج جنسي أو أي أشكال أخرى من الاختراق الجنسي الي بترتكب تجاه شخص ما دون موافقته. وقد يرتكب الفعل ده إما بالقوة الجسدية أو الإكراه أو سوء استخدام للسلطة. وقد يتم تجاه شخص غير قادر على إبداء موافقة صحيحة مثل شخص فاقد للوعي, عاجز لديه إعاقة فكرية أو تحت السن القانوني لإبداء الموافقة, أو مخدر أو مخمور.

• قد يحدث الاغتصاب من شخص قريب / صديق / شريك حمیمی / زوج/ شخص غريب الخ الخ

• قد يحدث الاغتصاب من رجل على امرأه أو امرأه على رجل أو رجل على رجل أو امرأه على أمرأه

التراضى عن علم ضروری بس برضه فى حاجات تانیه زی:

• الصحة الجنسية والانجابيه وتحديد الممارسات والتفضيلات بين الشركاء الخ الخ

• الوقايه من الأمراض ومعرفة التاريخ المرضى للشريك / ة

• استخدام موانع الحمل والتوافق مع الشريك على الوسيلة المناسبة ليهم هما الاتنين.

من شروط الموافقة السليمة:

• السن فوق 18 عام

• الإنسان يكون واعى “خمور أو مخدرات أو ماشبه ذلك تفقد الموافقة السليمة“

• إللي احنا عايزين نقوله هنا أن الستات عندها جنسانية, لأن الستات زيها زي أي كائن عندها مشاعر وعندها رغبة جنسية, والرغبة الجنسية دي مكانها في الأول والأساس المخ، وبما أن الستات عندها رغبة جنسية فمن حقها أن الرغبة دي يتم التعبير عنها في الأطر اللى بتناسب الستات باختلافاتهن, وحق الستات كمان أنهن أوقات يحسوا بوجود الرغبة دي وأوقات تانية لأ ميكونوش حاسين بيها …

• لما الست بتتعرض لأنها طول حياتها ممنوعة تعبر عن جنسانيتها وممنوعة تعبر عن مشاعرها وأفكارها وتخيلاتها حتى بينها وبين نفسها ولما تكبر وتكون في علاقة مع شريكها ميهتمش لمشاعرها ورغبتها الجنسية ولا بيعتبر أنها أصلاً عندها رغبة هي في مجتمع وبيئة بتشوف أن الست متلقي سلبي للعلاقة مش شريك وهنا بيحصل أن الشريك بيقوم بممارسات غصب عن الست تخليها تفقد مشاعرها ورغبتها بمحاولة الانبساط أو ممارسة الجنس.. وده بيكون له تأثيرات نفسية كبيرة على حياة الستات وكمان تأثیرات جسدية زي ما هنشوف لأنها بتتمنع من احتياج أساسي ورئيسي زي الأكل والشرب والاحتياج ده هو الاستمتاع الجنسي.

إستنونا هنتكلم بشكل أكبر عن ده فى الخميس الجاي ……….