9-4-2024
كام بنت لازم تموت علشان نوقف جرائم الابتزاز؟
السبب اللي انت*حرت بسببه طالبة العريش؛ انت*حرت بسببه دعاء في محافظة المنيا..وهو الابتزاز
دعاء طالبة عندها ١٩ سنة ارتبطت عاطفيا بشاب، خدعها بالحب والوعود علشان تآمن له.. وبعدين بعت كل صورها وفيديو خاص ليها لصديقه.. اللي بدأ يهددها بصورها والفيديو بتاعها لو موافقتش تقابله.. ولما قابلته هددها بفضحها لو معملتش معاه علاقة.. واغتصبها بالإكراه وصورها .. وبقى هوه وحبيبها بيهددوها بصورها وفيديوهاتها لو مكررتش لقاءاتها معاهم.. كمان كانوا بيطلبوا منها فلوس وقدروا ياخدوا منها ٤٨ ألف جنيه
البنت دخلت في حالة نفسية سيئة بسبب الابتزاز والخوف..قط_عت شعرها وجر_حت نفسها وفي الآخر انت*حرت تحت عجلات قطر الصعيد..
الحب مش جريمة.. الثقة مش جريمة.. لكن الخيانة والوصم والابتزاز والتهديد جريمة..
لما يوصلوا الإنسان للخوف لدرجة إنه يضحي بحياته.. يبقى قتل.. والقتل جريمة.
