10/3/2024
كنت في مصلحة حكومية (التأمين الصحي) موظف مسكني من جسمي قولتله ازاى سمحت لنفسك تلمسني أصلا؟
قالي : بوقفك لأن الدخول من باب تاني
قولتله: انا ممكن احبسك بسبب التصرف ده ندهلى الأمن يخرجوني من التأمين فطلبت الشرطة وجت وروحت انا وهو وأثناء السير في عربية الشرطة اتعرضت لتهديدات بأني حتحبس معاه لحد عرض النيابة وبكره اجازة وفيه احتمال اني أبات اكتر من ليلة ولما وصلنا اتقالي نفس الكلام بس فضلت مصممة انى اكمل يوم كامل اربيه ده كان بيني وبين نفسي بس قدامه كنت بقوله هو والأمن معنديش مشكلة أبات ونظرًا لظروف شخصية ما كنتش هقدر أبات أو أتأخر اكتر من الوقت اللي قعدته لأنى انتظرت حوالى ٦ ساعات في محاولات منه انه يجيبلي موظف من مكتب أحد أعضاء مجلس الشعب علشان نتصالح واكتفيت بأنى اسجله فيديو بيعتذر فيه وانه مش هيحاول يعمل الحركة دي مع حد تانى وساعتها اتنازلت وروحت.
