9/3/2024
في يوم كنت مروحة وأثناء ما الكهرباء كانت قاطعة، كنت طالعة على السلم لشقتنا قابلت واحد من جيرانا شاب عنده ٢٠ سنة تقريبًا.. وبرغم أننا جيران، وأنه عارف اني عارفاه، وأني أكبر منه ب ١٠ سنين تقريبًا إلا أنه قرر يستغل قطع النور في وتحـرش بيا جسديًا على السلم.
” زعقت ولميت الجيران وطلبت الشـرطة، لكن الشيء المفاجيء أن لما الشرطة وصلت أم الولد طلعت تشتمني بألفاظ بشعة وتهددني بالوسايط اللي عندها.
الولد اتقبض عليه وقتها والقضية راحت النيابة، لكنه اخد إخلاء سبيل بغرامة ٥٠٠٠ جنيه على ذمة القضية
أثناء فترة تحقيقات النيابة والد المتهم تعدى عليا وعلى والدتي بالسب و القذف والضرب واتعمل ضده هو كمان محضرين، وده اللي أجبرني أنا ووالدتي اننا نسيب بيتنا لأننا خايفين انهم يعملوا فينا حاجة او يأذونا تاني كل يوم بكون عايشة في رعب وكوابيس بسبب خوفي على نفسي وعلى أهلي من تهديداتهم ولحد أنهاردة حقنا مرجعش!
اصدارات متعلقة
- الناشر: جمعية البحرين النسائية