شهادة 13

الشركاء: بر أمان

تاريخ النشر:

2024

2/32024

  حد اتحرش بيا لفظيًا ليلة العيد، طلبت النجدة، النجدة كتبت ان البلاغ مشاجرة، لما وصلنا القسم أمين الشرطة رفض يعمل المحضر بحجة ان النجدة قالت ان ده مشاجرة مينفعش اكتب تحرش، فضلت لحد الساعة ٢ الفجر في القسم مبعملش حاجة.. اللي عمال يتحرش بيا بعينه في القسم واللي عمال يقولي هتباتي في القسم واللي يقولي هنضربهولك واللي يقولي سُمعتك ومعلش متزعليش مني انتي لابسة مكشوف برضوا، واللي يقولي خدي الدبوس ده اقفلي البلوزة وحاجات كتيرة اوي سيئة مش فاكراها دلوقتي، على الساعة ٢ من الضغط وافقت اعمل عدم تعرض ولما امين الشرطة كان بيكتبه عيطت، ولما شافوني بعيط قالولي احنا غلطانيين احنا خايفين عليكى وعلى مصلحتك، في اللحظة دي دخل واحد رتبته اعلى من ظابط القسم بس مش رئيس المباحث، وقام متعصب وقال انا شايفك في الكاميرا بقالك سبع ساعات هنا، طيب يا ستي وقام راح للمتحرش وقاله هتعملها محضر تعدي يابني؟ قام قاله اه فقام الراجل ده مسك دفتر وسجل فيه بنفسه اني دخلت القسم وقام مشي، وفجاة الظابط فتح باب كده لأوضة معفنة ومتر في متر وبيدخلني بيقولي هتباتوا هنا النهاردة، طبعا انهارت بس دخلوني غصب قعدت اخبط على الباب يفتحولي كان هيجيلي نوبة هلع مفتحوش الا تاني يوم الصبح، والساعة ٩ اتعرضنا على النيابة واتصالحت.
شارك:

اصدارات متعلقة

توثيق نشاط الاتحاد العام للمرأة الفلسطينية-مصر(المقدمة)
توثيق نشاط الاتحاد العام للمرأة الفلسطينية-مصر (3)
توثيق نشاط الاتحاد العام للمرأة الفلسطينية-مصر (2)
توثيق نشاط الاتحاد العام للمرأة الفلسطينية-مصر (1)
السيدة ملعقة تكتب: لن أشنقَ نفسي اليوم
العدالة البيئية النسوية: الأراضي الأميرية في لبنان مثالًا
تقرير عن مشروع قانون الأحوال الشخصية
ديتوكس العلاقات: العلاقات السامة وإزاي نتعامل معاها؟
شكل الدولة السورية ورؤية النساء السوريات حول العلاقة بين المركز و الاطراف
ورقة سياستية التعافي المبكر