أسوأ حاجة لما أحلى اسم في الدنيا يبقى كلمة
الشتيمة
يا ابن ….
….. امك
وأم الأجنبي
ده طبعا غير تأنيث الشتايم
ولما نحب نعاير حد نقوله اسم أمك إيه
ولما نحب نذله نقوله قول أنا“سوسن“
المشكلة مش بس فى اسم الأم لكن اسم الست كله عورة كله ممنوع كله غلط وما يصحش يتقال
بنيجي على نفسنا طول ما هي لسه بنت وناديها بيه وساعات نقول بنت فلان لكن لما تتجوز نقول مدام فلان أو حرم فلان أو حرم فلان وطبعا لما تخلف تبقى أم فلان يعنى لازم هويتها ترتبط باسم راجل عشان تبقى معرفة وغير كده تفضل نكرة!
زى ما لازم تعريفها يكون مرتبط بشكل علاقتها مع الراجل يا اما تبقى آنسة أو مدام أو أرملة فلان مع إنه لا يمكن راجل يقبل يبقى جوز الست مع إنها جوزته زى ما هو جوزها !
والله ناس بتقول إن ده احترام للست وصيانة ليها عشان ماحدش يناديها باسمها فى الشارع طب لو عديناها وقلنا ماشي مجتمع شرقي وما يحبش الست اسمها يتعرف في الشارع طب ليه حتى في الأوراق الرسمية ما بنحبش نحطه وبننسى إن الطفل لما بيتولد بيحطوا فى إيده ورقة عليها اسم أمه ويوم القيامة بیتنادي باسمها !!!
اصدارات متعلقة
- الناشر: مؤسسة القاهرة للتنمية والقانون
