!؟

أخيرًا اتجرأت

أخيرا أنا دلوقت حاعلی صوتی عليه

حاقوله إن أنا فوقت واني أنا ما صدقت

أخلص من حبى ليه

وان كان فى حاجة زمان في سرى قولتها

جه الوقت اللي أقولها بعلو صوتي

دلوقتي حارتاح من الحياة اللى كرهتها؟

(أغنية أخيرا اتجرأت للمطربة شيرين)

والله ما حارجع تاني

لو وقفتي على ايديكي

مش أنا اللى أسلم وميتسلمش

عليا أنا غلطان من الأول لما عملتك

واحدة وبقا ليكي لازمة

عارف أنا قاسي علیكی وکلامی عمره

ما يرضیكی سامحيني لازم أربيكي وأبعد

لبعيد وبرده لسه بتغلطي والله ما حارجع

تانی لو وقفتي تتنططي

(أغنية بهون عليكي لتامر حسني)

 

دي طريقة

تتكلمى بيها معايا انتي

جرالك ايه؟

ومدام وصلنا للدرجة دى الرأى رأيي

والكلمة ليا ومفيش من بعد كلامي

کلام

كده ومفيش غير كدا عندى

مع نفسك بقى لو حاتعندي

(أغنية دى طريقة دى لهشام عباس)

إيه اللى حصل للأغانى مبقاش في مطرب يعمل شريط أغاني إلا ولما نسمع أغنية بها كام جملة تهديد وعنف للطرف الآخر سواء راجل أو ست.

اللي نعرفه إن الأغاني دى هي وسيلة للتعبير عن المشاعر بكافة أشكالها مشاعر الحزن الفرح، الخيانة، الحب، لكن أول مرة نسمع إن الأغاني بقى فيها أسلوب تهديد؟ لا والعنف كمان اتنقل للأغانى مش كفاية الشوارع والبيوت وأماكن العمل.

وأحدث أمثلة على الموضوع ده المطرب هشام عباس بيقولها في أغنية دى طريقة دى من شريطه الأخير دى طريقة تتكلمى بيها معايا؟ مع نفسك بقى لو حاتعندى؟

بقى هو دا أسلوب الحوار ؟ بقى هو دا أسلوب النقاش بين اثنين المفروض إنهم بيحبوا بعض؟

يعنى من الآخر اخبطى دماغك في الحيط وما تتكلميش معايا والمركب اللي يودى؟

هل بالذمة دى وسيلة للتعبير عن الحب أو اللوم أو العتاب بأى شكل من الأشكال؟

هل دى الرسالة اللي بنوصلها للناس اللي بتسمع الأغاني ؟

والحال ما اختلفش مع المطربة شيرين بل اتنقل الأمر من المطربين الرجال النساء كمان في أغنية أخيرا أتجرأت من شريطها الأخير بتقوله أخيرًا أنا قررت أعلى صوتى عليك صدقت أخلص من حبى ليك.

الواحد بيتوه وما يبقاش عارف هل ده حب ولا حرب وكل واحد بيشوف مين أقوى من الطرف التاني؟

هل المفاهيم اتغيرت عن الحب والعلاقات الإنسانية؟

هل العنف أصبح هو وسيلة التعبير واللوم والعتاب حتى في الحب؟

هل بقيت الطريقة دى هى أسلوب التواصل مع الطرف الآخر؟

وأكثرهم فجاجة من وجهة نظرى الشخصية أغنية تامر (بهون عليكي)

لما بيقولها والله ما حارجع تاني لو وقفتى على إيديكي؟

بجد شيء فج لأقصى درجة؟ خصوصا لما بيقولها سمحيني لازم أربيكي؟ وبرده لسه بتغلطي والله ما حارجع تاني لو وقفتي تتنططي؟

وكعادة هذا المطرب المتناقض في التعبير عن الحب فى أغانيه أوقات يعبر عن المشاعر بأقصى رقة وبكلمات مليئة بإحساس وأوقات يعبر بكلمات فجة يشمئز اللى بيسمع منها ودا خلاني أفكر هل هو مش قاصد ده أم إنه بيعبر عن نوعين من الحب ناس بتحب بعنف وناس بتحب بإحساس؟

بصراحة أنا مش عارفة كل اللى فاهماه إنها ظاهرة مستفزة جدا جدا وللأسف بدأت تنتشر وبشكل ملفت أتذكر أنى سمعت حديث للمطربة وردة الجزائرية في أحد البرامج بتحكي إن يوم ما عبد الحليم حافظ قال ماسك الهوا بإيديا بقوا يتريقوا عليه ويقولوا عبد الحليم نزل بمستوى أغانيه !!!!.

أمال الوضع دلوقتى بقى ايه وحيتدهور لايه في كلمات الأغاني؟

والواحد ما يستبعدش أنه ممكن يسمع في أغنية جديدة المطرب بيقولها حاضر بك وأكسر دماغك والمطربة ترد تقوله وأنا حاقطعك بالسكينة وأحطك في أكياس.