تشويه مش طهارة

إحصائيات¹

مصر من أكثر الدول اللى بينتشر فيها ختان البنات والسيدات هناك حوالى 40 مليون فتاة وامرأة بين سن 7الى سن 69 سنة تعرضن للختان، نسبة الختان للسيدات في المناطق الريفية 86.6 % دا غير إن نسبة الختان فى مصر بين البنات من عمر الولادة ل19 سنة هى %14 منهم 74% تمت على يد طبيب . ليه لازم نحمى بناتنا من جريمة الختان ؟ لانه مالوش اى فوايد صحية وبيعمل على اتلاف الانسجة التناسلية السليمة والطبيعية.,البظر بيحتوى على اكثر من 8 الاف نهاية عصبية وبيتعامل مع اكثر من 15 الف نهاية عصبية وكمان له اضرار فورية زى الالم الحاد والنزيف وتورم الانسجة والحمة زى التيتانوس ومشكلات المسالك البولية ومشاكل ألتئام الجروح واصابة الانسجة التناسلية والصدمة أو الموت فى 30 يناير 2020 توفت الطفلة ندى داخل عيادة طبيب والتى تبلغ من العمر 12 عاما بقرية الحواتكة مركز منفلوط بمحافظة أسيوط بعد تعرضها لصدمة بعد ختانها وكمان له مضاعفات طويلة المدى: مشاكل المسالك البولية (تبول مؤلم والتهاب مسالك بولية ) مشاكل المهبل (افرازات\ حكة\التهاب مهبلى جرثومى) مشاكل الدورة الشهرية ( دورة شهرية مؤلمة\ صعوبة تمرير دم الحيض \ الانسجة الندبية والجدرة مشاكل جنسية ( الم اثناء الجماع\ قلة الرضا) زيادة خطر حدوث مضاعفات للولادة (صعوبة الولادة \ النزيف المفرط\ الولادة القيصرية \ الحاجة الى انعاش الطفل \ وفيات الأطفال حديثى الولادة ) وكمان الختان بيعرض الستات لمشكلات نفسية طول حياتها زى الاكتئاب والقلق المزمن والتوتر واضطراب ما بعد الصدمة وتدنى أحترام الذات ولو حبت تصلح كل ده من خلال عمليات تصحيح الختان فده حل مكلف جدا ومش كل البنات حتقدر تعمله ايه هي عقوبة جريمة الختان أتشددت عقوبة الختان فى مصر عام 2021 بالسجن مدة لا تقل عن 5 سنوات ولو حصل للبنت عاهة مستديمة اثناء العملية تكون العقوبة للطبيب مدة لا تقل عن 10 سنوات ولو البنت فقدت حياتها بسبب الختان يسجن الطبيب مدة لا تقل عن 15 عاما ولا تزيد عن 20 عاما مع حرمان الطبيب او الطبيبة من مزاولة المهنة مدة لا تقل عن 3 سنوات ولا تزيد عن 5 سنوات تحسب بعد انتهاء مدة العقوبة داخل السجن مع غلق العيادة اللى حصلت فيها الجريمة بعض حكايات ستات من قرى مختلفة فى محافظة البحيرة:

66 سنه

انا فاكره اليوم بكل تفاصيله فاكره انا واختي راجعين من بره لقيت ستی وامی وست بيقولوا انها “المره شلبيه الفجريه “كانت دقه على دقنها ولابسة اسود مسكو اختي ودخلوها الاوضه وقفلو الباب وانا سامعه عياط اختي ومش عارفه ايه اللي بيحصل جوه جه الدور عليا ستي نادتني ودخلوني الاوضه ستي وامي مسكوني وكتفوني من ايديا كنت مش فاهمه حاجه وخايفه وكنت بصرخ من الالم وبعد ما خلصت حطولي انا واختي تراب من الفرن وراحت كاتمه بيه الجرح دخلت خالتي وزعقتلهم وراحت حطالنا مطهر وفاكره ان كان عندنا جارتنا ام اماني مكنتش موافقه انها تطاهر بنتها وكانت بتقولهم غلط بس ستي ضغطت عليها لحد ما طاهرت اماني بنتها واما كبرت واتجوزت وخلفت بقي عندي بنتين ومكنتش عاوزه يحسو االلي انا حسيته ولا يعيشوه فمارضتش اعمل فيهم كد

شيماء 29 سنه

انا حكايتي غير اي حد عيله عندها 7 سنين بتلعب امي ندهت عليا لبستني وودوني هي وابويا للوحده اللي عندنا في القريه دخلوني الاوضه وكان موجود الدكتور وممرضه طلع الممرضه وقالها روحي هاتی حاجه انا مكنتش فاهمه انا هناك ليه انا مكنتش تعبانه مكنتش بشتكي من حاجه نيمني علي السرير وبيبصلي ويبتسم ابتسامه كانت بتخوفني وكل ما يقرب مني اخاف وكل ما يحط ايده علي جسمي اخاف اكثر لمس كل حته في جسمي وحط صوبعه في بؤي كذا مره لحد ما الممرضه دخلت ومعاها واحده تانيه وكتفوني وقلعوني البنطلون وانا بعيط وبنادي علي امي مش فاكره حاجه غير ابتسامته ومصحتش غير في بيتنا ومش حاسه غير بوجع والم وفضلت نايمه في السرير شهر ومقدرتش احكي لامي اي حاجه ومفهمتش انه كان بيتحرش بيا غير اما كبرت في اول جوازي فضل المشهد ده افتكره كل ما جوزي يقرب مني وخلفت ولد وبنت والحمد لله ربنا قدرني اني احافظ علي بنتي ومختنتهاش

جميله 39 سنه

كان عندي وسنين وقتها كنا في اجازه الصيف كنت بلعب بره البيت مع صحباتي البنات ناديت عليا امي دخلوني الاوضه وكان في ست عجوزه واتنين من جيرانا امي طلعت بره الاوضه وسابتني معاهم طلعت الست العجوزه شفره من شنطتها وكتفوني ومحستش غير بان روحي بتطلع فضلت كل ما اشوف ست کبیره اخاف واجري ولما كنت بشوف الست العجوزه وانا مروحه من المدرسه اغير الطريق كنت بخاف تعمل ده فيا تاني ولسه بحس بألم وخوف كل ما جوزي يقرب مني وبقي هم علي قلبي كل ما يقرب مني وحمدت ربنا انه مرزقنيش ببنات عشان مكنتش هقدر اقف قدام جوزي واهله لان الموضوع ده عندهم مسأله شرف

ليلي 44 سنه

ده كان يوم مشؤم فاكره اليوم كأنه امبارح مع انه عدي عليه 30 سنه كنت راجعه من المدرسه ومعايا شهادتي كنت جايبه الدرجات النهائية وبدل ما اهلى يكافؤنى جابولي ست لابسه اسود من اول راسها لحد رجليها وكانت ستي واتنين من الجيران هو بيبقي يوم بيتفقوا الجيران عندنا في البلد وبيطهروا بناتهم فيه” عشان خراط البنات خرطنا دخلوني الاوضه وقفلو الباب وكتفوني وستي حطت ايديها علي بؤي عشان صوتي ميطلعش وبعد ما الست خلصت رمت الجزء اللي قطعته مني للفراخ كنا بنربي فراخ حولين بيتنا ومن یومها ماكلتش اي نوع من انواع الطيور ولا اربيهم في بيتي واما اتجوزت وخلفت مقدرتش امنع جوزي من انه يعمل ده في بينتي الكبيره بس بعد كده وقفت للعيله وقدرت احمي باقي بناتي

45 سنه

انا عندي بنت واحده وبسبب اللي شفته وانا حامل فيها وانا بولدها قولت عمري ما اعمل في بنتي اللي اهلي ربنا يسامحهم عملوه فيا وانا صغيره ووصتها انا متعملش كده في بناتها التوام انا مش فاكره تفاصيل اليوم بس فاكره التعب اللي مرت بيه اما اتجوزت مكنتش عارفه اعمل علاقه مع جوزي روحنا للدكتور وقالنا ان “الختان “لحم” ولازم نعمل توسیع وقعدت شهر تعبانه ومش بتحرك بسبب الغرز اللي في جسمي وجيت حملت في امل وانا بولدها راسها نزلت من الرحم والدكتور قال لازم عملیه توسیع تانیه وفضلت تعبانه فتره طويله من التعب مكنتش بقدر ارضعها

هل فيه عمليات اصلاح الختان او ترميم فى مصر؟ ايوة .. مراكز ترميم لكن مش كل البنات اللى اتختنت محتاجة عملية جراحية بعضهن يحتاج الى حقن البلازما فى البظر او المهبل بعضهن يحتاج الى دعم نفسي لقبول الذات والجسد مصادر 1- https://cutt.us/DLVBN https://www.almasryalyoum.com/news/details/2678454 https://www.elbalad.news/5420802