11/3/2024
في ولد أتحرش بيا وانا ماشية في الشارع وطلع يجري وانا طلعت أجري وراه وانا بصرخ فالناس جابوه على انه حرامي لما قولت انه مسرقش مني حاجة وانه أتحرش بيا قالولي هنضربهولك قلمين وخلاص ولما قولت محدش يلمسه ولا يضربه أنا هوديه القسم قالوا ده عيل صغير حرام عليكي تحبسيه هتضيعي مستقبله …. أتصلت بصديق عشان يجيلي وجيه وفضلنا في مفاوضات انهم عايزين يمشوا الولد وأنا مصممة اني اوديه القسم جم ناس بلطجوا علينا ومشوا الولد لما روحت القسم قعدت 6 ساعات عشان اعرف أعمل محضر الظابط مكنش متعاون خالص وكان عايزني أعمل محضر “مشادة كلامية” مع ال ٣ شباب اللي الظابط اخدهم للتحقيق عشان الموضوع ينتهي وخلاص ومش عايزين يعملوا “محضر تحرش” وبعد 6 ساعات طلعت بمحضر إداري مكتوب فيه “معاكسة” مش تحرش ودي اصلا تهمة غير التحرش بعد كده شخص من اللي بيسموا نفسهم “كبارات المنطقة” كلم المحامي بتاعي عشان نحلها ودي واتنازل بس انا موافقتش وبعدين بدأ يتكلم بصيغة التهديد وبعدين أهل المنطقة جابوا ولد يسلموه في القسم وقالوا ان هو ده اللي أتحرش بيا ولما روحت لقيت ان ده ولد تاني خالص وقولت ان مش ده المتحرش ومروحتش القسم تاني لأن التعامل مكنش كويس ومفيش تعاون خالص
