8/3/2024
فى النيابة كان فى تعنت ضدي ومماطلة وتنمر على شكلي وشعري وكمان تأخير فى الاجراءات … وكان فى سيدة كبيرة فى السن “سودانية” تنمروا عليها وعلى الاكسنت بتاعتها وبشرتها ومرضيوش ويقضوا لها مصلحتها .. وانا ضحكوا عليا لجهلي بالاجراءات القانونية ورحت النيابة فى يوم واحد خمس مرات وتم اخفاء محضري وتعنت ورفض لإرفاق الكشف الطبي اللي بيثبت الكدمات والتعاوير فى المحضر .. لحد ما جه معايا حد وتكلم مع امين الشرطة بقوة فطلع المحضر وارفق الكشف الطبي بعد ما انهرت وشعرت بإنني مواطن درجة تانية ولكوني انثى ليس لي حقوق… وتمت معاملتي من قبل النيابة وكأنني انا المجرمة مش المجني عليها .. كمان فى الكشف الطبي دكتور أتكلم معايا بطريقة غير مقبولة وقالي ادخلي اقلعي بمشاورة بحقارة من ايده وكانت معايا ماما وفضل يبص على شعري وجسمي اني بنت مش كويسة وهو بدقن طويلة انا مش بحكُم ع حد من شكله لكنه حكم عليا من شعري ورفض الكشف عليا وقالي انتي مافكيش حاجة وحولني عظام …كل الرجالة تعاملت معايا على اني “عا*هرة” ولست مجني عليها ولي حق بيكفله لي الدستور والقانون.
اصدارات متعلقة
- الناشر: جمعية البحرين النسائية