العنف الأسري.. بالأرقام والكلمات

 

أولاً: النساء اللاتي ترددن على وحدة الاستماع بمركز النديم بالقاهرة في الفترة ما بين يناير 2001 و ديسمبر 2006.

إجمالي عدد النساء: 257 امرأة

1- المرحلة العمرية

أقل من 20 سنة	من 20 – 30 سنة	من 30 – 50 سنة	فوق 50 سنة
38	84	126	9

2- المهنة

ربة منزل أو لا تعمل	عاملة أو موظفة	طالبة
159	70	28

3- المستوى التعليمي

أمية	ابتدائي	إعدادي	ثانوي	تعلم عالي
102	25	29	58	43

4- الحالة الاجتماعية

متزوجة	غير متزوجة	أرملة	مطلقة	مخطوبة	طفلة
146	43	9	39	5	15

5- أنواع العنف

أسري	تحرش جنسي واغتصاب	مؤسسي	جسدي	جنسي	نفسي	لفظي	طرد من المنزل	اقتصادي
128	21	4	144	43	209	133	30	55

 

6- المساعدة المطلوبة

الاستماع والدعم النفسي	إرشاد طبي	مساعدة قانونية	دعم مادي	دعم اجتماعي	تدخل لدى العائلة
249	51	54	31	39	26

ثانياً: النساء اللاتي تمت متابعتهن في المحافظات من قبل وحدة الاستماع بمركز النديم في الفترة ما بين يناير 2001 و ديسمبر 2006.

1- المرحلة العمرية

المحافظات	أقل من 20	20 – 3-	30 – 50	فوق 50 سنة
المنيا	4	22	16	3
الإسكندرية	1	23	43	6
الشرقية	1	12	5
بني سويف		3	5

2- الحالة الاجتماعية

المحافظات	متزوجة	غير متزوجة	أرملة	مطلقة	مخطوبة	طفلة
المنيا	21	13	3	3	2	3
بني سويف	6		1	1
الشرقية	9	2	3	1	2
الإسكندرية	47	14	1	8	3

3- المستوى التعليمي

المحافظات	أمية	ابتدائي	إعدادي	ثانوي	تعليم عالي
المنيا	15	3	11	14	4
بني سويف	8
الشرقية	4	1	3		10
الإسكندرية	32	7	2	13	19

4- العمل

المحافظات	ربة منزل أو لا تعمل	عاملة أو موظفة	طالبة
المنيا	30	11	4
بني سويف	8
الشرقية	12	2	4
الإسكندرية	41	29	3

5- أنواع العنف

المحافظات	أسري	تحرش جنسي واغتصاب	مؤسسي	جسدي	جنسي	نفسي	لفظي	طرد من المنزل	اقتصادي
المنيا	15	2	1	15	12	34	18	2	4
بني سويف	8			4	3	2			6
الشرقية	5	1		7	3	14	3		1
الإسكندرية	5	2	3	44	13	66	24	15	2

6- الدعم المطلوب

المحافظات	الاستماع والدعم النفسي	إرشاد طبي	مساعدة قانونية	دعم مادي	دعم اجتماعي	تدخل لدى العائلة
المنيا	45	3	1		2	4
بني سويف	3	8	3	7
الشرقية	18		1		6	6
الإسكندرية	68	2	17	8	2	4

تعليق على ما سبق:

أولاً: أبرز أشكال العنف الذي دفع بهؤلاء النساء إلى طلب المساندة هو العنف الأسرى الذي تمثل في:

– الضرب الذي يصل إلى حد إحداث عاهة

– الإهانة والسب والمعاملة القاسية

– التحقير والتقليل من الشأن

– عدم الرضا مهما فعلت الست

– عدم المعاشرة الجنسية

– المعاشرة الجنسية بالإكراه

– الزواج من أخرى

– الطلاق الغيابي

– الخيانة الزوجية

– تعاطى الزوج للمخدرات وما ينتج عن ذلك من الضرب والإهانة

– سوء الأوضاع الاقتصادية والفقر الشديد وسوء الحالة السكنية مما يؤدى إلى هجر الزوج لزوجته أو التحرش الجنسي بين الأولاد والبنات أو ضرب الزوج لزوجته

– الطرد من المنزل ( طرد الزوج لزوجته طرد الأب لابنته ).

– تعذر الحل القانوني ( صعوبة إثبات الضرر، صعوبة الحصول على الطلاق، النفقة، مصاريف الأولاد )

جديرًا بالذكر أن معظم الحالات تعرضت لأكثر من نوع من أنواع العنف سابقة الذكر علاوة على تعرضها لنوع آخر من العنف غير المباشر والذي تمثل في العادات والتقاليد السائدة والتي ساهمت في تزييف وعى المرأة وجعل في كثير من الأحيان تتصور أن دور الضحية هو الدور الطبيعي الذي خلقت له.

كما تجدر الأشارة أيضًا إلى أن ما تعرضت له النساء من أشكال مختلفة من العنف كان له آثار نفسية وجسدية جسيمة على الأطفال إلى الحد الذي دفع بنسبة كبيرة من النساء الى طلب المساندة في حل مشاكل أطفالهن وترددنا كثيرًا حيث إننا وحدة استماع للنساء المعنفات ولكن في النهاية وجدنا أن معظم ما يعانون منه الأطفال لم يكن – في معظم الأحوال – إلا نتاجًا لما تتعرض له النساء من عنف.

ثانيًا :- على الرغم من أن نسبة لا يستهان بها من المترددات كانت تعانى من إصابات جسيمة يستحيل معها استمرارية الحياة إلا أن الطلاق كان لا يترتب على ذلك بالضرورة فهناك ترسانة من القيود تحيط بتلك النساء وتتمثل في الأهل – الأقارب – الأطفال – الوضع الاقتصادي – القانون.

وواقع الحال أن النساء اللاتي لم يجدن من سبيل سوى الطلاق قد صادفنا سلسلة لا تنتهي من العقبات والمشاكل الاجتماعية والاقتصادية ( نظرة المجتمع – الفقر – الحرمان من الأطفال أو صعوبة التكفل بهم).

أشکال العنف كما أشارت إليه نتيجة الاستبيان

قام مركز القديم بإعداد استمارة استبيان { يستند هذا الاستبيان في بنوده. مع التطوير، على استبيان البحث الذي أجراه مركز النديم ومركز دراسات المرأة الجديدة في عام 1993 تحضيرًا لمؤتمر بكين الرابع للمرأة }. كمقدمة للقيام ببحث أشمل بتناول ظاهرة العنف الأسرى بكافة جوانبها. تضمن الاستبيان مجموعة من الأسئلة المتعلقة بأشكال وصور العنف الأسري المختلفة التي استخلصناها من شكاوى النساء المعنفات المترددات على مركز النديم (العنف الجسدي – العنف النفسي – العنف الجنسي)، كما تضمن أيضًا مجموعة من الأسئلة التي تحاول التعرف على آراء المبحوثين حول المبادرة التي يقوم بها المركز (مقترح قانون لحماية النساء من العنف المنزلي ( ومدى جدواه، وإمكانية استخدامه وتطبيقه.

فضلاً عن ذلك جاء في مقدمة الاستبيان عددًا من البيانات الأولية لتحديد السن، المستوى التعليمي، الحالة الاجتماعية، المهنة.

وقد تم تطبيق الاستمارة على 250 سيدة تم انتقاؤهن على نحو عشوائي. وقد تم التطبيق بمعاونة بعض الجمعيات التي تعمل مع مجموعات مختلفة من النساء معظمهن أميات وبعضهن متعلمات وأغلبهن ربات بيوت – في بعض أحياء القاهرة كحلوان والدرب الأحمر وبولاق ودار السلام.

الجداول التالية تلقي الضوء على صور وأشكال العنف المنزلي المختلفة ومعد التعرض لها، كما توضح أيضا آراء تلك المجموعة من النساء حول مشروع القانون.

المعلومات الشخصية

السن:

من 20 إلى 30	أقل من 20	من 30 إلى 50	أكثر من 50
67	صفر	164	19

الحالة الاجتماعية:

متزوجة	مخطوبة	مطلقة	أرملة	غير متزوجة
220	1	20	8	1

عدد سنوات الارتباط

أقل من 10 سنوات	من 10 إلى 20	أكثر من 20
54	118	78

المستوى التعليمي:

أمية	تقرأ وتكتب	متوسط	عالي
104	64	71	11

العمل:

ربة منزل	عاملة	موظفة
198	25	27

المجموعة الأولى من الأسئلة (تهدف إلى التعرف على طبيعة العلاقة الزوجية بشكل عام)

أسئلة عن العلاقة الزوجية بشكل عام	نعم	لا
مرتاحة معاه	154	96
بيفسحك	75	175
بيشاورك في أمور الدنيا	83	167
بيساعدك في حل مشكلات البيت	122	128
بيساعدك في شغل البيت	39	211
ممكن تحكي له مشاكلك إنتي الخاصة	72	178
تفتكري هو ممكن يكذب عليكي	148	102
ممكن يطول لسانه عليك	153	97

بعض العبارات التي ترددت على ألسنة بعض النساء عند الإجابة على التساؤلات السابقة:

– في يوم الأجازة بيعمل سمك.

– أنا يفسح نفسي.

– بفسحني؟ هو بس يخليه في حاله

– مش عوزاه يشاورني.

– أهو أحسن من غيره.

– كل الرجالة بتكدب.

– كان بيشتمني كثير والعيال صغيرين.

–نفسي يبطل يكلمني بطريقة وحشة.

– انا ماعرفش عنه حاجة ماعرفش ان كان بيكدب ولا لأ.

– بيقول ألفاظ قذرة.

– اهي عيشة وأخرتها الموت.

– اكتر الوقت قاعد من الشغل حرتاح معاه ازاى.

– لو مرتاحة ما كنتش اطلقت.

يتضح مما سبق أنه على الرغم من أن غالبية النساء (60%) أبدين شعورهن بالراحة في العلاقة الزوجية، إلا أن هذه النسبة بدات في التضاؤل بشكل ملحوظ عند التساؤل عن بعض ملامح وأبعاد هذه الراحة المتمثلة في:

• الحرمان من الفسح (30% من النساء أجابت بنعم)

• المشاورة في أمور الدنيا (33 % من النساء أجابت بنعم)

• المساعدة في حل مشكلات البيت (48 % من النساء أجابت بنعم)

• المساعدة في شغل البيت (15 % من النساء أجابت بنعم)

• الكذب (رأت 59% من النساء أن الأزواج يكذب عليهن)

المجموعة الثانية من الاسئلة ( معدل التعرض للعنف الجسدي )

فيه ستات بتتعرض للضرب من زوجها أو خطيبها	نعم	لا
هل عمرك تعرضتي للضرب	100	150
عمره ضربك وإنتي حامل	71	179
عمره ضربك أدام الولاد	77	173
عمره ضربك أدام حد تاني غير الولاد	67	183

أسباب الضرب وكيفيته وزمنه كما رأت بعض النساء:

1- في كل وقت بالجلدة.

2 – لما اكون مش فاضية أقعد معاه.. بالقلم على وشي.

3- كل يوم على طول بايده أو بأي حاجة – قدام الجيران.

4 – مرة واحدة

5- بعد الجواز بثلاث سنوات بالقلم على مشي

6- بالحديدة بالخرطوم أدام الجيران.

7 – في رمضان في الشارع أدام الناس وأدام أخويا.

8- في رمضان بالرجل.

9- کثیر بإیده.

10- بإيده أدام الجيران.

11 – من أول الجواز بإيده على وشي.

12 – باللكمية أدام أهله.

13 – من زمان وفي أي وقت.

14 – أدام الجيران.

15- لما أعصبه بالقلم والشلوت أدام أهله.

16 – ضربني على دماغي من أربع شهور.

17 – قبل رمضان بيومين مسك دماغي خبطها في الحيط أدام إخواته.

18 – بالحزام.

19 – قدام عمه.

20 – طول الوقت لحد امبارح، أي حاجة يخبط بيها، في الشارع أدام الناس.

21 – كتير بيضربني من 8 سنوات بإیده.

22 – قبل تركه البيت بسنه بإیده مافيش ولاد.

23 – من شهر ضرب دماغي في الحيط.

24 – لسه ما حصلش.

25 – من سنة، بصنية الشاى أدام الجيران.

26 – من أسبوع يتف على وشى ويضربني عليه، مرة أجهضت بسببه، وقعت على السلم، بيضربني أدام الجيران وأهله.

27 – السنة اللى فاتت بالقلم على وشى وطردني وأنا حامل.

28 – من شهر فتح دماغي بخشبة في الشارع أدام الجيران والناس اللي في الشارع.

29- من سنة بالرجل أدام الجيران.

30 – لحد ما انطلقت وتركته والولد لسة بيرضع.

31 – بعد العيد بإيده ورجله وشد شعری أدام سلفي وسلفتي.

32 – بيحدفنى بأي حاجة.

33 – قبل ما يموت بشهر.

34 – لحد ما تم الطلاق بيضربني بأي حادة أدام الجيران وقرايبه

35 – من سنتين أدام اهله

36 – لما أحوش عن العيال بيضربني أدام الجيران

37 – ضربني أدام قرايبه.

38 – تعبت من كتر الضرب ورحت للدكتور قال ده القلب ودكتو تانی قال ده نفس

39 – احنا ما عندناش طلاق ولا طرد.

40 – بيضربني بالرجل واللألم والإيد وكل حاجة وعلى أى حتة.

يلاحظ مما سبق أن حوالي 40% من النساء تعرضن للضرب من قبل أزواجهن 28% من النساء تعرضن للضرب وهن حوامل 31% تعرضن للضرب أمام الأبناء، 27% تعرضن للضرب نام الأقارب أو الجيران أو المعارف.

المجموعة الثالثة من الأسئلة ( معدل التعرض للعنف النفسي)

فيه ستات بتتعرض لحاجات تانية غير الضرب تحسس بالأذية. هل تعرضتي لأي حاجة من الحاجات دي ؟	نعم	لا
جوزك بيتخلق عليك لو رجع لقى الأكل مش جاهز	144	106
جوزك عايزك دائمًا مطيعة لكل كلامه.	198	52
بيكلمك بطريقة وحشة أدام الناس	115	135
بيشتمك أدام العيال	132	118
لما يتتخنقوا ممكن يهددك بالطرد من البيت	94	256
عمره طردك من البيت	78	172
فعلاً بيحسسك إن الستات الثانية أحلى منك.	96	154
بيقول لك شكلك وحش	85	165
ممكن يخليكي تنامي معاه من غير ما تكونى عايزة	87	163
ممكن يمنعك من الشغل	78	172
ممكن يمنعك من الخروج	82	158
ممكن يمنعك تزوري أهلك	80	170
ممكن يهددك انه ياخذ منك العيال أو يعايرك انك ما خلفتيش	65	185
مهما عملتي بتحسي انه مش راضي	131	119
انت بتخافي منه	147	153

من كلماتهن:

–يخليني أنام غصب عنى

– ما يقدرش يطردنى من البيت عشان البيت بتاعى

– لما بيطردنى باروح عند أهلي

– لما يطردنی باروج بيت أبويا

– ده طردني وطلقني وأخذ حاجاتي.

– لما طردني روحت عند الجيران.

– لنا بيطردنى بأروح عند أختي.

– ممكن يضربني وينام معايا بالعافية.

– لما بيطردنی بأروح عند ولادى.

– لما بيطردني بروح عند خالتي.

– بيطردني بس أنا ماسيبش بيتى أبدًا وأسيبه يضربني لكن ماسيبش البيت.

– لما يكون عايز ينام معايا ومأرضاش بيتخانق معايا.

– طلقني بعد سنة من الجواز.

– لسه ما حصلش متجوزة جديد من ثلاث شهور.

– البيت بيت أبويا.

– الشقة شقتي.

– بيتخانق على أي سبب تافه لما مرضاش أنام معاه، ما عندناش طلاق ولا جواز تاني.

– بيطرد أهلي من البيت وبعدين وبعدين لما طردني رحت عند أهلي.

– بخاف منه أوى.

– لما مارضاش أنام معاه بيتخانق وتسمع صوته الجيران.

– حاول يطردني بس أنا واخده عليه وصلات أمانة وهددته بيهم.

– بيمنعني أزور اهلي.

– صراحة بخاف منه عشان كدة إطلقت.

– لما مانامش معاه ما يكلمنيش أيام كثيرة.

– بأرواح عند والدتي.

– لما أرفض أنام معاه بيطردني برة الأوضة.

– بأروح عند الجيران وساعات عند أهلي.

– بيضربني وبعدين يرجع وكأن محصلش حاجة ويعوز ينام معايا.

– بیحسسنی دايمًا أني ماليش لازمة

أظهرت إجابات النساء على الخمسة عشر سلوكًا التي ضمها الجدول السابق، والتي أشارت إلى بعض مظاهر العنف النفسي، أن معدل التعرض للعنف النفسي داخل المنزل يحتل مكانة كبيرة، وأن صوره وأشكاله تتعدد وتتنوع وإن كان البعض منها أكثر شيوعًا من البعض الآخر.

عند النظر إلى كافة أشكال العنف النفسي التي تتعرض له النساء داخل منازلهن نجد أنها جاءت كالتالي:	%
رغبة الزوج الدائمة في طاعته	79
الخوف من الزوج	58.8
النرفزة من عدم وجود طعام جاهز	57.6
الإهانة أمام الأطفال	52.8
عدم الرضا مهما عملت الزوجة	52.4
الإهانة أمام الناس	46
إشعار الزوجة بأن شكلها وحش	34
الإجبار على ممارسة الجنس	34.8
التهديد بالطرد	37.6
الطرد من المنزل	31
المنع من الخروج	33
المنع من زيارة الأهل	32
المنع من العمل	31
التهديد بالحرمان من الأطفال	26

المجموعة الرابعة من الأسلة (الخيانة الزوجية تعدد الزوجات)

جت لنا ستات كتير بتشتكى أن أجوازهم بتخونهم أو هيتجوز عليهم.	نعم	لا
ده حصل معاكي؟	74	176
طب حصل أنه عاكس حد من معارفك؟	60	190
اتجوز عليكي؟	22	228
هددك بانه يتجوز عليك؟	109	141
تفتكري الست تبقى راضية لما جوزها يتجوز عليها؟	7	243

بعض كلماتهن:

– استريح منه بس يصرف عليا.

– بيعاكس في الشارع لو معاه كان اتجوز.

– جوزي الأولاني مسكوه في الغيط مع واحدة وعشان كده اتطلقت منه.

– اللي زي ده يغور في داهية.

– احنا عدنا الجواز على الزوجة ممنوع (مسيحية)

– بس هو يسد في البيت

– خرجني أنا والعيال بشنطة هدومى ورحت عند أهلي.. أصل أعصابه تعبانة شويه ومحتاجين نستريح، وبعد أسبوع عرفت أنه اتزف على واحده تانيه.. حتى عفشى وحاجات العيال رفض يعطيها لنا.

–خاني مع واحدة من أقارب جوز أختي واتجوزها

خبرات النساء في هذا الشأن	%
التهديد بالزواج من أخرى	34.6
الخيانة الزوجية	30
معاكسة أحد المعارف	24
الزواج بأخرى	9

المجموعة الخامسة من الأسئلة (التحرش الجنسي داخل الأسرة)

سمعنا عن بنات وستات تعرضوا للتحرش الجنسي في الشارع أو الشغل أو المدرسة	نعم	لا
تفتكرى ده ممكن يحصل داخل الأسرة	83	107
عمرك سمعت عن أب أو أخ ممكن يعمل حاجة زى دى في بنته أو أخته	80	170
حد في أسرتك تعرض لحاجة زى دي ؟	36	214
حد في معارفك اتعرض لحاجة زى دى؟	46	204
هل انتى ممكن تتعرضي لحاجة زى دى ؟	60	190
هل ده ممكن يحصل من حد انتى متطمئنة له وتعرفيه؟	79	171

بعض العبارات التي رددتها بعض النساء:

– سمعنا من الجرائد.

– كل الناس معرضة لكده.

– والله الواحد لا يأمن حتى لأخوه.

– اعوز بالله مش ممكن يحصل كده

وبالنسبة للتحرش الجنسي داخل الأسرة – وهو أقسى أنواع العنف الأسرى تشعر الضحية بالخجل الشديد في التعبير عنه أو حتى مقاومته، فإذا كانت أشكال العنف الأسرى المختلفة ( كالضرب أو الاهانة أو التحقير او……… أو…… ) من الأمور التي ينبغي التستر عليها وعدم إفشائها على اعتبار أنها خلافات أسرية ينبغي عدم الأفصاح عنها خوفًا من الفضيحة أو اللوم والنقد فإن التحرش الجنسي أشد وطهة وأكثر تعقيدًا حيث يعتبر من الأمور التي لا يجوز الخوض فيها.

وقد جاءت إجابات النساء بالرغم من تحفظ البعض وتكتم البعض الآخر في هذا الصدد على النحو كالتالي: 33.2 % قلن أن هذا (التحرش الجنسي) قد يحدث داخل الأسرة، وعن إمكانية حدوث تحرش جنسي من قبل الأب أو الأخ أجابت 32% بنعم، 36 % من النساء أجابت بنعم عند سؤالهن عما إذا تعرض أحد من أفراد الأسرة لذلك. أما سؤال عما إذا كان أحد المعارف بوجه عام قد تعرض لذلك فقد كانت نسبته أعلى إلى حد ما ( 46% ). وعن إمكانية أن تتعرض هي ذاتها للتحرش الجنسي أجابت 24% من النساء أنه من الممكن أن يتعرضن لذلك، و 31.6% قلن أن هذا قد يحدث من شخص يثقن فيه.

المجموعة الأخيرة من الأسئلة ( آراء النساء حول امكانية صياغة قانون لحماية النساء من العنف الأسرى)

فيه ناس بتحاول تطلع قانون يحرم العنف في الأسرة	نعم	لا
تفتكري دي فكرة كويسة ولا لأ؟	288	22
ايه الحاجات اللي تحبي القانون ده يمنعها الضرب
الضرب	288	22
الشتيمة والإهانة	288	22
الخيانة	288	22
المعاشرة بالغصب	288	28
الطلاق التعسفي	288	22
الطرد من البيت	288	22
التحرش الجنسي	288	22
طيب لو فيه قانون خاص بالعنف الأسري حتستخدميه؟	258	92

أولاً: بلاحظ مما سبق أن غالبية النساء بنسبة 91.2% قد أبدين الموافقة على وجود قانون يحميهن من العنف المنزلي، وعند سوال النساء عما إذا كان هناك إضافات يرغبن أن يتضمنها القانون جاءت إجاباتهن على النحو التالي:

– الذل طول الوقت.

– الزواج عليها.

– يمنع ذل الزوج لزوجته على كل حاجة.

– الاحساس بالحنان.

– عدم المعاشرة والاستمرار في الأسرة بدون رضا.

– عدم حرمان الطفل من أمه.

– إجبار الزوج أن يعامل زوجته كإنسانة ويأخذ رأيها.

– لابد من تأمين الست وتأمين مكان لها ومعاش في حالة عدم عملها. القانون ممكن

– لو ينفع – لابد أن تكون الشقة من حق الزوجة والأولاد.

– لازم الست يكون لها مكانها عشان تحس بالأمان

– أهم حاجة تضاف في القانون (منع الزوج من طرد زوجته وتمكينها من الشقة)

– تكون الشقة من حقها ويمنعوا العقد الجديد.

– أن هوه اللي يخرج من البيت

– الأهم من كل ده لازم أي ست يحصل لها الطلاق يكون لها عمل تأكل منه ومكان تعيش فيه.

– لازم يساعد القانون الستات على وجود مكان تعيش فيه وشغل تصرف على عيالها.

– لازم الست تاخد الشقة مش لازم تكون حاضنة.

– لا يكون الزواج أو الطلاق إلا بموافقة الاثنين.

– بس يكون قانون قوى ياخد حق الست بحق وحقيقي

– لازم القانون يأمن بيت للست افرضى إنه لا يوجد لي أم تحميني.

– أخويا بيضربنى وبيقول لي مش كفاية بتاكلى وتشربى احنا ماصدقنا جوزناكي وارتحنا.

– ينصف الستات ويخلى لها سكن تعيش فيه.

– يمنع خراب البيت والضرب.

– يمنع أذى الأطفال من والدهم.

– أهم حاجة يكون للست دخل أو شغل تقدر تعيش.

– أهم حاجة يمنع الزواج عليها.

– أهم حاجة إحتفاظ الزوجة بالأولاد.

– يوفر للست اللي معها أولاد مكان مستقر تعيش فيه هي وأولادها ودخل تعيش منه

– عندي جارتي طردها ليلة العيد وحاولنا نمنعه وفعلاً منعناه بالعافية فهذا حرام ويجب أن يمنع.

ثانيًا: عند سؤالهن عن إمكانية استخدامهن لمثل هذا القانون، إن وجد، أجابت 60% من الموافقات على وجود قانون بعدم قدرتهن على استخدامه وذلك للاعتبارات الآتية:

– من امتى الست تقف ادام القاضي وتشتكي جوزها.

–للأسف أنا نفسي مثلاً أعمل خلع واخواتي لا يرضوا بذلك أبدًا فحتى لو هذه القوانين موجودة إحنا لا نستطيع أن نستعملها.

– بس مين يساعدنا على كده وعلى تنفيذ القانون ده.

– أنا مقدرش بس ممكن يبقى كويس حتى لعيالنا

– مش عارفه مافيش حاجة بتنفع مع الرجاله

– طيب لما أحبسه مين حيصرف على العيال ده بيشتغل اليوم بيومه

– مش حاستخدمه لكن ممكن ينفع ناس كتير غيرى..

أما عن إجابات النساء التي وافقت على استخدام القانون (63.2%) فجاءت على النحو التالي: – كل دي حاجات كويسة ياريت عشان يحمى ولادنا اللي جايين.

– لو احتجت ليه حاستخدمه.

– لو ماحتجتش ليه أنا يمكن حد أعرفه أو حد من ولادى يحتاج ليه كل دى حاجات كويسة المهم أنه يبقى موجود.

– لو عايش جوزى كنت استخدمه طبعًا

– لو احتجت له حد عارف بكره فيه ايه؟

– احتاجه حاستخدمه – إذا استدعى الأمر.

– لو طبق على المسيحيين أكيد هناك ناس كتير ستحتاج إليه. ولكن أنا والحمد الله زوجي كويس.

– أول واحدة ممكن استخدمه بالرغم أنى باعرف إزاى أجيب حقي.

– أهوه ينفع.

– لو احتجت له حاستخدمه – يمكن ده يخلى الرجالة تتلم وتخاف شوية

– على الأقل أهدده اني حاستخدمه